სენაკში, საკირეს მთაზე, ჯვართან მისასვლელი გზის რეაბილიტაცია დაიწყო
27.08.2021 / 27 აგვისტო 2021
სენაკში კიდევ ერთი მნიშვნელოვანი ინფრასტრუქტურული პროექტის განხორციელება დაიწყო – ეს ე.წ. საკირეს მთაზე არსებულ ჯვართან მისასვლელი გზის კაპიტალური რეაბილიტაციის პროექტია, რომლის ღირებულება 222 221 ლარს შეადგენს.
ამ ეტაპზე საავტომობილო გზის სამშენებლო სამუშაოები უწყვეტ რეჟიმში მიმდინარეობს.
პროექტის ფარგლებში, დაგეგმილია ე.წ. საკირეს მთაზე არსებულ ჯვართან მისასვლელი გზის რეაბილიტაცია, პარკინგის მოწყობა და LED სანათებით, გარე განათების დამონტაჟება.
სამუშაოებს შპს ,,აფო“ ახორციელებს.
განახლებული ინფრასტრუქტურით, მუნიციპალიტეტს კიდევ ერთი მრავალფუნქციური, მათ შორის, ტურისტული თვალსაზრისით მნიშვნელოვანი სივრცე შეემატება.
