უფუნქციო გახარებულები, დემორალიზებული „ნაციონალური მოძრაობა“ და გამარჯვების მოლოდინში მყოფი ოცნება
უფუნქციო გახარებულები, დემორალიზებული „ნაციონალური მოძრაობა“ და დიდი გამარჯვების მოლოდინში მყოფი ოცნება. ეს ის რეალობაა რომელიც არჩევნებამდე 2 თვით ადრე ზუგდიდს სინამდვილეს წარმოადგენს.
სანდო წყაროზე დაყრდნობით გახარიას გუნდიდან მერობის კანდიდატი ყოფილი მერი გეგა შენგელია იქნება, მკითხველს შევახსენებ რომ გიორგი გახარიას გაოპოზიციონერების შემდეგ ზუგდიდელი ამომრჩევლებზე მაღლა გეგა შენგელიამ გახარიასთან მეგობრობა დააყენა და არჩეული თანამდებობიდან გადადგა, რამდენად ენდობიან ყოფილ მერს ამ ნაბიჯის შემდეგ ზუგდიდელი ამომრჩევლები ამას მომავალი არჩევნები გვიჩვენებს, თუმცა ალბათობა იმისა რომ მას ნდობის მაჩვენებელი მნიშვნელოვანი იყოს ნაკლებია, თუ გავითვალისწინებთ იმ ფაქტს რომ „ქართული ოცნების“ კანდიდატს მამუკა წოწერიას ბევრად დიდი გამოცდილება აქ საჯარო სამსახურში მუშაობის და ცნობადობაც მისი ბევრად მაღალია, შიდა წინასწარი კვლევებით გეგა შენგალიას შედეგი არჩევნებში 7 პროცენტია.
უფუნქციოდ დარჩენილი „გახარებულების“ შემდეგ დიდი დემორალიზება შეინიშენება „ნაციონალური მოძრაობის“ ზუგდიდის ორგანიზაციაში, არჩევნებამდე 2 თვით ადრე „ნაციონალურ მოძრაობას“ საარჩევნო შტაბიც კი არ აქვს გახსნილი და არც კანდიდატები ჰყავს დასახელებული, თუმცა წყარო „ნაციონალური მოძრაობიდან“ გვიყვება, რომ ნაცების ერთი ფლანგი მერობის კანდიდატად პაატა ადამია განიხილავს, ხოლო რადიკალური ნაწილი ლევან კონჯარიას კანდიდატურას უჭერს მხარს. დიდი ძებნა იყო გამოცხადებული მაჟორიტარი დეპუტატობის კანდიდატებზეც, თუმცა როგორც წყარო გვიყვება მათ შესაფერისი კანდიდატების მოძიება ვერ მოახერხეს, რადგან განათლებულ, წესიერ და მომავალზე ორიენტირებულ ადამიანებს არ აქვთ სურვილი რადიკალურ ოპოზიციასთან თანამშრომლობის.
ნაცების და გახარებულების კვალს ლელოს სამეგრელოს ორგანიზაციაც მიჰყვა, პარტია დატოვა ალექსანდრე ახვლედიანმა, როგორც წყარო გვიყვება უთანხმოების მიზეზი ფინანსური სკანდალი გახდა. ცენტრალური ოფისი ახვლედიანს წინა არჩევნებზე გამქრალი ფულის გამო ედავება.
დემორალიზებული და ურეიტინგო ოპოზიციის ფონზე მკვეთრად ჩანს ქართული ოცნების და მისი კანდიდატის მამუკა წოწერიას უპირატესობა, მერობის კანდიდატმა უკვე დაიწყო შეხვედრების მოსახლეობასთნ, როგორც ჩვენი წყარო გვიყვება ოცნების შიდა კვლევებით დიდი შანსია წოწერიამ პირველ ტურშივე გაიმარჯვოს ზუგდიდის მერობისთვის ბრძოლაში… წინ საინტერესო არჩევნები გველოდება როგორც წინასწარი დაკვირვებით ჩანს არჩევნებს დიდი უპირატესობით მმართველი გუნდი იგებს.
მსგავსი სიახლეები
ავთანდილ გაბელაიამ პარტია ნაციონალური მოძრაობა და ფრაქცია დატოვა
“ოცნება” – 47,4%, “ნაციონალური მოძრაობა” – 25,4% – მმართველი გუნდი თბილისში ჩატარებული კვლევის შედეგებს აქვეყნებს
