ზუგდიდის მერის მოვალეობის შემსრულებელი გაეროს მუდმივ კოორდინატორს შეხვდა
ზუგდიდის მუნიციპალიტეტის მერის მოვალეობის შემსრულებელმა კონსტანტინე კაკავამ, დღეს გაეროს მუდმივ კოორდინატორს საქართველოში, საბინე მახლს, გაეროს მოსახლეობის ფონდის ხელმძღვანელს, ლელა ბაქრაძეს და გაეროს ლტოლვილთა უმაღლესი კომისარიატის წარმომადგენლის მოვალეობის შემსრულებელ, დეჟან ობრადოვიჩს უმასპინძლა.
შეხვედრაზე მხარეებმა გაეროს 2021-2025 წწ. მდგრადი განვითარების ხელშეკრულება განიხილეს, რომელსაც ხელი 2020 წლის ოქტომბერში მოეწერა და რომლის ერთ-ერთი მთავარი მიზანი, რეგიონული და ადგილობრივი განვითარების ხელშეწყობაა.
ასევე, ისაუბრეს, გაეროს და მუნიციპალიტეტებს შორის თანამშრომლობის პერსპექტივებსა და მუნიციპალიტეტების როლზე ამ ხელშეკრულების განხორციელებაში. კონსტანტინე კაკავამ სტუმრებს, მუნიციპალიტეტში მიმდინარე სხვადასხვა სოციალური პროექტების, ადგილობრივი საჭიროებებისა და პრიორიტეტების შესახებ ინფორმაცია მიაწოდა.
შეხვედრის დასასრულს მხარეები ურთიერთთანამშრომლობაზე შეთახმდნენ.
