The Guardian: კორონავირუსი ზედაპირზე 28 დღის განმავლობაში რჩება
ავსტრალიელმა მეცნიერებმა აღმოაჩინეს, რომ კორონავირუსი 28 დღე რჩება სხვადასხვა ზედაპირზე – მობილური ტელეფონის ეკრანზე, რკინაზე, ქაღალდის ფულზე და ა.შ. კვლევის შედეგებს ბრიტანული გამოცემა The Guardian ავრცელებს.
კვლევის ავტორი ავსტრალიის ეროვნული სამეცნიერო სააგენტოა. მკვლევრებმა, ზედაპირზე ვირუსის სიცოცხლისუნარიოანობის დღეების გარდა, დაადგინეს, რომ COVID-19-ის გამომწვევი Sars-CoV-2 შედარებით დიდხანს ძლებს დაბალ ტემპერატურაზე.
დაკვირვებამ გვაჩვენა, რომ კორონავირუსი საკმაოდ მდგრადია. მაგრამ მე მაინც ვიტყვი, რომ დაინფიცირების შემთხვევების 90% გამოწვეულია კოვდდადასტურებულ ადამიანთან ახლო კონტაქტით. განსაკუთრებით, თუ მან დააცემინა ან დაახველა სხვა პირთან კონტაქტისას. მხოლოდ დარჩენილი 10%-ის ინფიცირების წყარო ხდება ზედაპირზე მოხვედრილი ვირუსი, – ამბობს ავსტრალიის ეროვნული სამეცნიერო სააგენტოს მკვლევარი.
მედიკოსები ფიქრობენ, რომ მსგავსი ტიპის კვლევა მათ დაეხმარება, უკეთ განსაზღვრონ ვირუსის გავრცელება და შეებრძოლონ მას. აქედან გამომდინარე, მსოფლიოს ჯანდაცვის სისტემები თანხმდებიან, რომ სოციალური დისტანცია, პირბადის ტარება და ხელების ხშირი დაბანა COVID-19-თან გასამკლავებლად ამჟამად ერთადერთი და, შეიძლება ითქვას, ყველაზე ეფექტური იარაღია.
