სამეგრელოში 411 გამოკვლეულიდან კორონავირუსი მხოლოდ 10 ადამიანს დაუდასტურდა
04.10.2020 / 4 ოქტომბერი 2020
- რეგიონის მასშტაბით ზუგდიდის ინფექციური საავადმყოფოს ლაბორატორიაში 301 ნიმუშის, ხოლო სენაკის ლაბორატორიაში 110 ნიმუშის გამოკვლევა მოხდა. მათგან გამოვლენილია 10 დადებითი პასუხი. აქედან 5 შემთხვევა ეკუთვნის ოკუპირებულ საბერიოს, 2 არის ფოთის დადასტურებული შემთხვევის კონტაქტი, 2 შემთხვევა კი ზუგდიდში გამოვლინდა.
“მათგან ერთი არის ორი დღის წინ დადსტურებული დარაჯის კონტაქტი, მეორე კი რუხის მოსწავლის კონტაქტია (მისი ოჯახის წევრია). რაც შეეხება მეათე ინფიცირებულს ის ხობის მუნიციპალიტეტის მკვიდრია, რომელიც ხობში რამდენიმე დღის წინ დადასტურებული შემთხვევის კონტაქტია. მიმდინარეობს ახალი შემთხვევების კონტაქტების გამოკვლევა და ღრმა ეპიდემიოლოგიური კვლევა. სულ რეგიონში მცხოვრებ ინფიცირებულთა რაოდენობა შეადგენს 159 მოქალაქეს. რუხის კლინიკაში მკურნალობის კურსს გადის 71 კოვიდ პაციენტი, აქედან 8-ის მდგომარეობა შედარებით მძიმეა. ფოთის ჰოსპიტალში 24 კოვიდპაციენტი მკურნალობს. რეგიონის მასშტაბით სულ საკარანტინე სივრცში იმყოფება – 130 ადამიანი”-განაცხადა ჟურნალისტებთან სამეგრელოს გუბერნატორის მოვალეობის შემსრულებელმა მალხაზ თორიამ.
