შორენა მირცხულავა ხაზარაძეს: გია ბარამიამ მხოლოდ თქვენს ფულებზე იცის კარგად ხელის დადება
27.09.2020 / 27 სექტემბერი 2020
- ფოთი-ხობი-სენაკის მაჟორიტარი დეპუტატობის კანდიდატის შტაბის ყოფილი ხელმძღვანელი შორენა მირცხულავა ფოთი-სენაკი-ხობის მაჟორიტარი დეპუტატობის კანდიდატს, სოხუმელ გია ბარამიას სოციალურ ქსელში აკრიტიკებს და პარტიის ლიდერს, მამუკა ხაზარაძეს მიმართავს:
“წალენჯიხის მუნიციპალიტეტში, საბერიოს ე.წ საოკუპაციო ხაზთან და სენაკში ჟიული შარტავას ძეგლთან “ლელოს” მიერ ჩატარებულ სოხუმის დაცემის დღესთან მიძღვნილ ღონისძიებებზე ფოთი-ხობი-სენაკის მაჟორიტარი დეპუტატობის კანდიდატი, სოხუმელი გია ბარამია საქართველოს სახელმწიფო ჰიმნზე რომ ასე გაფარჩხული დადგება და ერთადერთი იქნება, რომელიც გულზე ხელს არ დაიდებს, რომელ პატრიოტობაზე და ქვეყნის ტერიტორიული მთლიანობის აღდგენაზე ელაპარაკება მერე ეს ვინმეს!
P.S. მამუკა ხაზარაძე თქვენ ფულებზე იცის კარგად ხელის დადება ამ შემარცხვენელმა და შედეგსაც ნახავთ 31 ოქტომბერს, გია ბარამიას გამო პარტიულ ხმებსაც რომ ვერ მიიღებს “ლელო” ფოთი-ხობი-სენაკში!!!
27 სექტემბერი სოხუმის დაცემის დღე!”-წერს სოციალურ ქსელში შორენა მირცხულავა.
