ზუგდიდში კორონავირუსის 19 ახალი შემთხვევა გამოვლინდა
25.09.2020 / 25 სექტემბერი 2020
- ზუგდიდის მუნიციპალიტეტში კორონავირუსის 19 ახალი შემთხვევა გამოვლინდა. მათ შორის 16 შემთხვევა ზუგდიდში რამდენიმე დღის წინ დაფიქსირებული ორი შემთხვევის კონტაქტებია, ხოლო 3 იმპორტირებული, რომელთაც საზღვარგარეთ მოგზაურობის ისტორია აქვთ. ინფიცირებულებს შორის არიან ასევე ზუგდიდის მერიის თანამშრომლებიც.
“სამეგრელო-ზემო სვანეთის რეგიონში აღებული 942 ნიმუშიდან 19-ს კოვიდ ინფექცია დაუდასტურდა. აქედან 3 არის უცხო ქვეყნიდან შემოსული მოქალაქე, რომელიც საკარანტინე სივრცეში იმყოფებოდა, დანარჩენი ზუგდიდის შემთხვევებია. აქედან სამი მერიის თანამშრომელია. მიმდინარეობს ყველა ახალ ინფიცირებულთან კონტაქტების კვლევა. სულ რეგიონის მასშტაბით კოვიდ ინფიცირებულია 65 მოქალაქე. ანაკლია-განმუხურის საკარანტინე სივრცეში იმყოფება 116 მოქალაქე. რუხის კლინიკაში იმყოფება – 59 კოვიდ ინფიცირებული პაციენტი. რეგიონის თითოეულ მოქალაქეს, მოვუწოდებ, დაიცვან სოციალური დისტანცია, ატარონ პირბადე, გაუფრთხილდით თქვენს და სხვა მოქალაქეების ჯანმრთელობას”-ამბობს სამეგრელო-ზემო სვანეთის მხარის გუბერნატორის მოვალეობის შემსრულებელი მალხაზ თორია.
