ზუგდიდში მეტყველების დარღვევის მქონე პირებისთვის უფასო გამოკვლევები ჩატარდება
09.09.2020 / 9 სექტემბერი 2020
- 12 სექტემბერს ზუგდიდის მუნიციპალიტეტის მერიის მხარდაჭერით, განათლების განვითარების და დასაქმების ცენტრი (EDEC), მეტყველების განვითარებისა და კორექციის ცენტრ „ლოგომედთან“ ერთად, მეტყველების შეფერხების მქონე ბავშვებისა და ზრდასრულებისთვის უფასო გამოკვლევებს ჩაატარებს.
გამოკვლევები მეტყველების დარღვევათა სრულ დიაგნოსტირებას ითვალისწინებს, რომლის მიზანია მეტყველების ნებისმიერი ტიპის დარღვევათა დროული აღმოჩენა, დიაგნოსტიკა, მიზეზის დადგენა და საჭირო ღონისძიებების გასატარებელი გეგმის დასახვა.
გარდა ამისა, სპეციალისტები მშობლებს და პაციენტებს მიაწვდიან ინფორმაციას პრობლემის გადაჭრის გზებზე. უფასო გასინჯვები გაიმართება განათლების განვითარების და დასაქმების ცენტრის ზუგდიდის ოფისში. მისამართზე: ზუგდიდი, რუსთაველის ქ. 58 (09:00 სთ–დან – 19:00 სთ–მდე) საკონტაქტო ტელ: +995 551 18 18 70; 0431 25 13 33 საკონტაქტო პირი: თეა შელია.
