ირაკლი ჩიქოვანი: ჩემთვის ზუგდიდი არაა მხოლოდ და მხოლოდ პოლიტიკური პოლიგონი ან პოლიტიკური პლაცდარმი
- ჩემთვის ზუგდიდი არაა მხოლოდ და მხოლოდ პოლიტიკური პოლიგონი ან პოლიტიკური პლაცდარმი. სხვა პოლიტიკური ძალები უყურებენ ამ საარჩევნო ოლქს როგორც პოლიტიკური რევანშიზმის შესაძლებლობას, – ამის შესახებ ზუგდიდში „ქართული ოცნების“ მაჟორიტარი დეპუტატობის კანდიდატმა ირაკლი ჩიქოვანმა “იმედის” ეთერში განაცხადა.
ირაკლი ჩიქოვანის განცხადებით, მისთვის მთავარია, რომ პოლიტიკურ გუნდთან „ქართულ ოცნებასთან“ ერთად, შეძლოს უფრო მეტი სიკეთე მოუტანოს ზუგდიდს და ქალაქის მოსახლეობას. „ბოლო წლებში ზუგდიდში მიღწეული შედეგი შეუდარებელია. ვგულისხმობ ინფრასტრუქტურის და განახლების კუთხით მიმდინარე პროცესებს და ზუგდიდელები ამას გრძნობენ და ხედავენ. იმიტომ, რომ ასეთი მასშტაბური პროექტები ამ ქალაქში არ ჩატარებულა და ეს არის მისასალმებელი. რა თქმა უნდა ჩვენ მუნიციპალიტეტის წარმომადგენლებთან ერთად და ჩემი მონაწილეობით, ერთად შევეცდებით, რომ ეს დინამიკა შევინარჩუნოთ. ამაში მნიშვნელოვანია ცენტრალური ხელისუფლების მონაწილეობა. ამასთან ვიტყვი იმასაც, რომ გარდა იმისა, არსებობენ ადამიანები, ვისაც მართლა შესტკივა გული ქალაქზე, თუმცა არჩევანი ისე უნდა გაკეთდეს, რომ ზუგდიდი არ იყოს საჯილდაო ქვა. ზუგდიდს სჭირდება ადამიანები, ხალხი, ვინც ქალაქზე იზრუნებს“, – განაცხადა ჩიქოვანმა.
მსგავსი სიახლეები
ირაკლი ჩიქოვანი: ჩემთვის ზუგდიდი და ზუგდიდელების ინტერესი ყოველთვის იქნება უმთავრესი და, რა თქმა უნდა, ყოველთვის ვიქნები მათ სამსახურში
ირაკლი კობახიძე: ჩვენი გზა არის მხოლოდ და მხოლოდ ევროკავშირისკენ და ჩვენი უმთავრესი საგარეო პოლიტიკური პრიორიტეტია ევროკავშირის წევრობა
