ყულევის ადმინისტრაციულ ერთეულში საჯარო სკოლის რეაბილიტაცია მიმდინარეობს
29.07.2020 / 29 ივლისი 2020
- ხობის მუნიციპალიტეტის ყულევის ადმინისტრაციულ ერთეულში საჯარო სკოლის რეაბილიტაცია მიმდინარეობს. პროექტის მიხედვით განხორციელდება სახურავის სრული რეაბილიტაცია, შეზღუდული შესაძლებლობის მქონე პირებისთვის აშენდება პანდუსი და მოეწყობა სველი წერტილები.
სკოლაში მიმდინარე სარეაბილიტაციო სამუშაოებს ხობის მუნიციპალიტეტის მერი გოჩა ქაჯაია გაეცნო. პროექტის ღირებულება 105 000 ლარამდეა.
პარალელურად, ქვემო ქვალონში შენდება ერთი სკოლა, ხოლო ორ სკოლაში მიმდინარეობს სველი წერტილების მოწყობა. წელს ასევე დაგეგმილია ხობის 7 სკოლაში სარეაბილიტაციო სამუშაოების განხორციელება.
