“გლობუსის” დამფუძნებელი: სამწუხაროა, რომ 21-ე საუკუნეში კონკურენტები ქვებს გვიშენენ
09.07.2020 / 9 ივლისი 2020
- ავტოსატრანსპორტო გაერთიანება “გლობუსის” დამფუძნებელი და დირექტორი, ვახტანგ კაკულია გამთენიისას, ზუგდიდის მუნიციპალიტეტის სოფელ ცაიშში მომხდარ ინციდენტს გამოეხმაურა. კომპანიის დირექტორის განცხადებით, ეს არის მიზანმიმართული ქმედება, რომელიც მიზნად ისახავდა ძლიერი კონკურეტის დაშინებას.
“თამამად შეგვიძლია განვაცხადოთ, რომ ეს არის მიზანმიმართული თავდასხმა ჩვენი ე.წ კონკურენტების მიერ. საქმე იმაშია, რომ კომპანია “გლობუსმა” დანერგა სოციალური აქცია, რომლის მიხედვითაც იმ მგზავრებს, რომლებიც ზუგდიდიდან თბილისამდე შეიძენენ ბილეთს, საშუალება ეძლევათ უკან იმავე ავტობუსით სრულიად უფასოდ დაბრუნდნენ. ეს ვერ აიტანეს ჩვენმა ე.წ-მა “კონკურენტებმა” და სხვა რომ ვერაფერი მოიფიქრეს, გამთენიისას ქვები დაგვიშინეს”-ამბობს STV-თან ვახტანგ კაკულია.
კაკულიას განცხადებით, მიუხედავად იმისა, რომ ყველა გზებით ებრძვიან მას და მის კომპანიას, ის უფრო მეტად არის მოტივირებული და სამომავლოდ მომხმარებლებისთვის პერმანენტული აქციების შეთავაზებას და კომპანიის არეალის გაფართოებას გეგმავს.
მსგავსი სიახლეები
ირაკლი ჩიქოვანი: ოპოზიციონერებს, ე.წ. არასამთავრობო ორგანიზაციებს აქვთ მხოლოდ ერთი ინტერესი, რომ ხელი შეუშალონ საქართველოსთვის კანდიდატის სტატუსის მინიჭებას
ირაკლი კობახიძე: შარლ მიშელთან საუბრისას აღვნიშნე, რომ გამჭვირვალობის შესახებ კანონის მიღება არის აუცილებელი პირობა ევროკავშირის მთავარი რეკომენდაციის შესრულებისთვის – ე.წ. დეპოლარიზაციის უზრუნველყოფისთვის
