თენგიზ ჯგუშია იმ გზის რეაბილიტაციას ითხოვს, სადაც სამუშაოები უკვე დაწყებულია
- სამოქალაქო მოძრაობა “სამეგრელოს ხმის” ლიდერმა თენგიზ ჯგუშიამ ზუგდიდში გზის რეაბილიტაციის მოთხოვნით ბრიფინგი მაშინ გამართა, როცა ამავე გზის სარეაბილიტაციო სამუშაოები უკვე დაწყებულია. ზუგდიდში თვლიან, რომ ჯგუშიამ ამით პოპულისტური გამოსვლები წინასაარჩევნოდ ისევ დაიწყო და სხვა არაფერი.
მისი თქმით, ქვეყანაში არსებული პამდემიური ვითარება ხელისუფლებისთვის მთავარი მოკავშირე გახდა, რათა მოსახლეობისთვის შეპირებული გზის რეაბილიტაციის სამუშაოები დათქმულ ვადაში არ შეესრულებინა.
“ეს ქუჩა არის მთავარი ქუჩა, რონელიც 2 წელია ასეთ მდგომარეობაშია. ეს არის ფსიქოლოგიური ტერორი მოსახლეობოსთვის. მთავარი მაგისტრალი არის საშინელ მდგომარეობაში. მივმართავ ხელისუფლებას, ნუ ამთხვევს საარჩევნო კალენდარს ქუჩების რეაბილიტაციას. აქ იკვეთება კორუფცია და გასუსულია სუსი,”-აღნიშნა ჯგუშიამ.
ზუგდიდის მერიაში კი აცხადებენ რომ თენგის ჯგუშიას არასერიოზულ ბრალდებებზე კომენტარს არ გააკეთებენ. მერიის ინფორმაციით, რაც შეეხება საგზაო ინფრასტრუქტურას, რუსთაველის ქუჩის სარეაბილიტაციო სამუშაოები აქტიურად მიმდინარეობს და ზუგდიდში წლის ბოლომდე 60-მდე გზა რეაბილიტირდება.
- ცნობისთვის, ზუგდიდში, რუსთაველის ქუჩაზე საავტომობილო გზის რეაბილიტაცია დაიწყო.პროექტს საქართველოს საავტომობილო გზების დეპარტამენტი ახორციელებს.
ზუგდიდის მუნიციპალიტეტში წლის ბოლომდე 60-მდე საავტომობილო გზა რეაბილიტირდება. ზუგდიდის მუნიციპალიტეტის მერია მოსახლეობას ბოდიშს უხდის მოძრაობის შეფერხებისთვის.
მსგავსი სიახლეები
ჭალე-ფახულანის დამაკავშირებელი საავტომობილო გზის მოწყობასთან დაკავშირებით, მოსამზადებელი სამუშაოები უკვე დაწყებულია
საპროტესტო აქცია ხობში – მოსახლეობა გზის რეაბილიტაციას ითხოვს
