ზუგდიდში, სოციალური სახლი 25 ოჯახს აუშენდება
ზუგდიდის მუნიციპალიტეტის მერიის უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის მიზნით შექმნილი კომისიის წევრებმა ოთარ ქადარიამ, თამუნა ჯიქიამ და გია დანელიამ შემოსული განცხადებები ახალ კახათის, დარჩელის, განმუხურის ადმინისტრაციულ ერთეულებში ადგილზე გადაამოწმეს. შეხვედრას ასევე ესწრებოდნენ ადმინისტრაციული ერთეულების მაჟორიტარები და მერის წარმომადგენლები.
უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის მიზნით შექმნილი კომისიის შემადგენლობაში მუნიციპალიტეტის მერიის, საკრებულოსა და არასამთავრობო სექტორის წარმომადგენლები არიან.
მიმდინარე წელს ზუგდიდის მუნიციპალიტეტის მერიაში 250 განცხადება შემოვიდა. 116 განცხადება სოციალური სახლების მშენებლობას, ხოლო 134 – ,,ერთი თბილი ოთახის“ პროგრამაში ჩართვას შეეხება.
სოციალური სახლი 25 ოჯახს აუშენდება. გაიზრდება საცხოვრებელი სახლების ფართი.
2015 წლიდან ზუგდიდის მუნიციპალიტეტში აღნიშნული პროგრამით 117 სოციალური სახლი აშენდა.
