ზუგდიდის მერმა მოადგილეებთან ერთად მერაბ კოსტავას და ზვიად გამსახურდიას ძეგლები ყვავილებით შეამკო
26 მაისი საქართველოს დამოუკიდებლობის დღეა. აღნიშნულ თარიღთან დაკავშირებით, ზუგდიდის მუნიციპალიტეტის მერმა გიორგი შენგელიამ, მოადგილეებთან გიგა ფარულავასთან და კონსტანტინე კაკავასთან ერთად, საქართველოს პირველი პრეზიდენტის ზვიად გამსახურდიას, საქართველოს ეროვნული გმირის მერაბ კოსტავასა და პოლიტიკური ლიდერის სპირიდონ კედიას ძეგლები ყვავილებით შეამკო.
დღეს, საქართველოს ეროვნულ-განმათავისუფლებელი მოძრაობის ლიდერის, საქართველოს ეროვნული გმირის, მერაბ კოსტავას 81 წლის იუბილეც აღინიშნება.
,, გილოცავთ საქართველოს დამოუკიდებლობის დღეს, 26 მაისი უმნიშვნელოვანესი თარიღია ჩვენი ქვეყნის ისტორიაში, ჩემს ძვირფას ზუგდიდელებსა და სრულიად საქართველოს ვულოცავ დღევანდელ დღეს, ოკუპაციის კლანჭებისგან გათავისუფლებით, საქართველომ კიდევ ერთხელ დაადასტურა, რომ ჩვენ მივისწრაფით ევროპული ღირებულებებისკენ, ზუგდიდში და სრულიად საქართველოში საზეიმო ღონისძიებები არ ტარდება მსოფლიოში არსებული პანდემიიდან გამომდინარე. კიდევ ერთხელ დიდი პატივისცემით ვულოცავ თითოეულ ქართველს დღევანდელ დღეს და ვისურვებ რომ საქართველო ჩვენ აფხაზ და ოსებ ძმებთან ერთად გახდეს ერთიანი, ძლიერი ევროპული ოჯახის წევრი“ -განაცხადა გიორგი შენგელიამ.
1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.
მსგავსი სიახლეები
ზუგდიდის საკრებულოს თავმჯდომარემ მოადგილეებთან ერთად ილია ჭავჭავაძის და ექვთიმე თაყაიშვილის ძეგლები ყვავილებით შეამკო
არჩეულმა მერმა და გუბერნატორმა მერაბ კოსტავასა და ზვიად გამსახურდიას ხსოვნას პატივი მიაგეს
