კიბერშეტევა ვებ გვერდებზე და სააკაშვილის ფოტო წარწერით “მე დავბრუნდები”
28.10.2019 / 28 ოქტომბერი 2019
ადგილობრივ მედიასაშუალება zugdidelebi.ge-ს ვებ გვერდზე კიბერშეტევა განხორციელდა. ამის შედეგად ვებ გვერდი პარალიზებულია და ყოფილი პრეზიდენტის, მიხეილ სააკაშვილის ფოტო დევს წარწერით, “მე დავბრუნდები”
ვებ გვერდის რედაქტორის, ნანი მოსიძის განმარტებით, აღნიშნული მდგომარეობა უკვე ორ საათზე მეტია გრძელდება.
” ჩვენს საიტზეც განხორციელდა ჰაკერშეტევა… იქნებ, კოლეგებმა ხმა მიგვაწვდენინოთ საზოგადოებისთვის და უთხრათ მათ ჩვენი მდგომარეობა… ორი საათია სააკაშვილის სურათი გვაქვს კედელზე. სერვერის პროვაიდერს ვერ ვუკავშირდებით”-აცხადებს ნანი მოსიძე.
ცნობისთვის, კიბერშეტევა განხორციელდა ასევე ზუგდიდის რაიონული სასამართლოს ვებ გვერდზეც.
