ანაკლიაში ელექტრონული მუსიკის ფესტივალი 22 აგვისტოს დაიწყება
20.08.2019 / 20 აგვისტო 2019
ანაკლიაში ელექტრონული მუსიკის ფესტივალი ჩატარდება. Check in Georgia-ს ფარგლებში პროექტი Echowaves 22-დან 25 აგვისტოს ჩათვლით გაიმართება. პროექტის ორგანიზატორების ინფორმაციით, ფესტივალზე ელექტრონული მუსიკის ვარსკვლავები დაუკრავენ.
ფესტივალის ტერიტორიაზე 8 სცენა განთავსდება. ელექტრონულ მუსიკასთან ერთად დამსვენებლებს ორგანიზატორები სხვა აქტივობებსაც შესთავაზებენ.
Echowaves ელექტრონული მუსიკის ფესტივალია, რომელიც ანაკლიის სანაპიროზე პირველად შარშან გაიმართა. ის 2014 წლის ევროპის საუკეთესო ფესტივალის ტიტულის მქონე EXIT-ის მხარდაჭერით ტარდება.
ფესტივალის მიზანია, რეგიონს დაეხმაროს ეკონომიკური და კულტურული დონის განვითარებაში, ასევე ღონისძიება ტურისტებისთვის მიმზიდველი გახადოს.
![ანაკლიაში ფესტივალი Echowaves-ი დასრულდა [ვიდეო]](https://api.stv.ge/uploads/null)
