გიორგი გახარია – არავის მივცემთ იმის საშუალებას, რომ დეზინფორმაციით და პროვოკაციებით მოხდეს არჩევნების დისკრედიტაცია
არავის მივცემთ იმის საშუალებას, რომ დეზინფორმაციით და პროვოკაციებით მოხდეს არჩევნების დისკრედიტაცია, – ამის შესახებ შინაგან საქმეთა მინისტრმა გიორგი გახარიამ ჟურნალისტებს 19 მაისის შუალედურ არჩევნებთან დაკავშირებით განუცხადა.
მან ყველას არჩევნების მშვიდ გარემოში ჩატარებისკენ მოუწოდა.
ამასთან, ჟურნალისტებმა გახარიას მიმართეს, რომ არჩევნებზე მომხდარი დაპირისპირების შემთხვევებზე ის გამოძიების დაპირებას იძლევა, თუმცა რეალურად ამ საქმეების გამოძიება იწელება, რაზეც გახარიამ განაცხადა, რომ ის დაპირებას ყოველთვის ასრულებს.
„მე რასაც ვპირდები, იმას ყოველთვის ვასრულებ, როგორც ოპოზიციას, ასევე ჩვენი გუნდის წევრებსაც. არავის მივცემთ იმის საშუალებას, რომ დეზინფორმაციით და პროვოკაციებით მოხდეს არჩევნების დისკრედიტაცია. ამიტომ, ყველას მოვუწოდებ, წყნარად, მშვიდად ჩავატაროთ საარჩევნო პროცესი, ჩვენს მოქალაქეებს მივცეთ საშუალება, თავისი არჩევანი მშვიდ გარემოში გამოხატონ, რასაც რა თქმა უნდა, შინაგან საქმეთა სამინისტრო უზრუნველყოფს,“ – განაცხადა გახარიამ.
მსგავსი სიახლეები
პრეზიდენტი: რათა არავის დარჩეს იმის თქმის საბაბიც კი, რომ არჩევნები შეზღუდული კონკურენტუნარიანობის პირობებში ტარდება, მივიღე გადაწყვეტილება ორი მსჯავრდებულის – მამუკა ხაზარაძისა და ბადრი ჯაფარიძის შეწყალების თაობაზე
გიორგი გამსახურდია: ზუგდიდში შევხვდი ეროვნულ და ნამდვილ ხალხს და ყველა შევთანხმდით, რომ ჩვენი ქვეყნის გადარჩენა არის მშვიდობა და არსებული კურსი
