სახელმწიფო სტრატეგიის წარდგენა სიმინდის მასივების მფლობელებთან
აზიურ ფაროსანასთან ბრძოლის საკოორდინაციო მართვის ცენტრმა, აბაშაში სიმინდის მასივების მფლობელ ფერმერებთან, სამუშაო შეხვედრა გამართა, სადაც სამეგრელო-ზემო სვანეთის სახელმწიფო რწმუნებული ალექსანდრე მოწერელიამ და ცენტრის ხელმძღვანელმა ლაშა შალამბერიძემ აზიურ ფაროსანასთან ბრძოლის სახელმწიფო სტრატეგია წარადგინეს.
სტრატეგიის პრეზენტაციას, პარლამენტის აგრარული საკითხთა კომიტეტის თავმჯდომარე ოთარ დანელია, სურსათის ეროვნული სააგენტოს უფროსის მოადგილე ზურაბ ლიპარტია და აბაშის მუნიციპალიტეტის მერი ლევან მაკალათია ესწრებოდნენ.
სახელმწიფო შეწამვლით ღონისძიებებს დიდ საყანე ფართობებზე ჩაატარებს, თუმცა შეხვედრაზე აღინიშნა, რომ მავნებლის წინააღმდეგ ბრძოლაში მნიშვნელოვანია თითოეული ფერმერის აქტიური ჩართულობა.
სამეგრელო-ზემო სვანეთის მხარის რწმუნებულმა შეხვედრაზე აღნიშნა, რომ მნიშვნელოვანია სასოფლო-სამეურნეო სფეროში მოქმედი ყველა რგოლის ფერმერებთან საინფორმაციო შეხვედრების გამართვა, რადგან ერთობლივი ძალისხმევით მოხდეს მავნებლის რაოდენობის მინიმუმამდე შემცირება.
თავის მხრივ ფერმერები აღნიშნავენ, რომ სახელმწიფო სტრატეგია ყველა სტანდარტის დაცვის მიხედვით არის შედგენილი, სადაც გათვალისიწნებულია სასოფლო-სამეურნეო სფეროში ყველა ფერმერის ინტერესი, რაც მათივე თქმით, ხელს შეუწყობს მოსავლის რაოდენობას და ხარისხის უფრო გაუმჯობესებას.
მსგავსი სიახლეები
სენაკში, აზიურ ფაროსანასთან ბრძოლის სახელმწიფო სტრატეგიის პრეზენტაცია გაიმართა
სამეგრელო-ზემო სვანეთის სახელმწიფო რწმუნებულის ადმინისტრაციის შენობაზე სახელმწიფო დროშა დაშვებულია
