არჩევნები 2019 -ზუგდიდური დღიურები
ზუგდიდის მერის არჩევნები ახლოვდება და ვნებათაღელვამაც იმატა, არჩევნებში მთავარი კონკურენტები მმართველი პარტიიდან გიორგი (გეგა) შენგელია და ოპოზიციიდან ყოფილი პირველი ლედი სანდრა რუსლოვსი არიან. გამოიკვეთა რამოდენიმე დამოუკიდებელი კანდიდატიც, ფეხბურთის ფედერაციის ყოფილი პრეზიდენტი დომენტი (ზვიად) სიჭინავა და მოქალაქეთა კავშირის ყოფილი სახე ზუგდიდში,საქართველოს პარლამენტის ყოფილი წევრი თენგიზ ჯგუშია…
სანდრა ელისაბედ რულოვსი ზუგდიდში პირველად 2016 წელს გამოჩნდა, როცა ის საქართველოს პარლამენტის წევრობისთვის იბრძოდა, თუმცა მმართველი პარტიის კანდიდატთან ედიშერ თოლორაიასთნ მეორე ტურში პირწმინდად დამარცხდა, მას შემდეგ სანდრა ზუგდიდში არავის უნახავს. არც პირველი ლედობისას ახსოვთ ზუგდიდელებს სანდრას მონაწილეობა ზუგდიდისთვის მნიშვნელოვან საქმეებში…. ობიექტურობისთის უნდა აღინიშნოს ექს ლედის მიერ ჰოლანდიური აქცენტით ნამღერი ,,დიდოუ ნანა“…
როგროც ამბობენ ნაც მოძრაობის ადგილობრივ ორგანიზაციას მნიშვნელოვანი პრობლემები აქვს, პარტია ზუგდიდში ორ ჯგუფად არის გაყოფილი, ერთი მხრივ ზუგდიდის ყოფილი გამგებლის ალექსანდრე ქობალიას კლანი უპირისპირდება ადგილობრივი ორგანიზაციის თავმჯდომარის ანი წითლძის კლანს, მეორე მხრივ გაურკვევლობაში არიან ,,ევროპული საქართველოს წარმომადგენლები, რომლებიც ყოველ წამს ელოდებიან ცენტრალური ოფისიდან განცხადებას ზუგდიდში ,, ევროპული საქართველოს“ კანდიდატის არჩევნებში მონაწილეობის თაობაზე… ნიკა მელიას ჯგუფის პარტიაში საკმარისზე მეტად გაძლიერების ფონზე, სააკაშვილი ცდილობს გააძლიეროს საკუთარი პოზიციები პარტიაში.
ასევე აღსანიშნავია, რომ თავის დროზე სააკაშვილის ლობირებით ზაალიკო უდუმაშვილი გახდა თბილისის მერობის კანდიდატი და არა ნიკა მელია, იგივე განმეორდა ზუგდიდშიც, მიუხედავად იმისა, რომ ნიკა მელია სერიოზულად ემზადებოდა ზუგდიდის მერობისთვის, პარტიის პოლიტსაბჭომ სხვა გადაწყვეტილება მიიღო და ნიკა მელია ამჯერადაც უკანა პლანზე აღმოჩდა, როგორც ჩანს სააკაშვილს ძალიან კარგად ახსოვს ნიკა მელიას მეგობრობა უგულავა-ბოკერიას ფლანგთან და შემდგომში განვითარებული მოვლენები…
ზუგდიდში ნაციონალური მოძრაობა სტაბილურად იკავებს მეორე ადგილს ბოლო წლებში ჩატარებულ არჩევნებში, სავარაუდოდ ამ არჩევნებშიც ასე იქნება, თუმცა სანდრას მთავარი კონკურენტი მეორე ადგილისთვის ბრძოლაში დომენტი სიჭინავაა, რომელიც მერის წინა არჩევნებში მონაწილეობდა და საკმაოდ კარგი შედეგი დადო… სიჭინავამ რამოდენიმე დღის წინ განაცხადა, რომ მზად იყო ნებისმიერ პარტიასთან სათანამშრომლოდ,მათ შორის ნაციონალურ მოძრაობასთანაც, სწორედ ნაციონალური მოძრაობის ზეობის ხანაში იკავებდა სიჭინავა ფეხბურთის ფედერაციის პრეზიდენტის პოსტს და ნაციონალურ მოძრაობასთნ ერთგვარი სენტიმენტებიც აკავშირებს.
სიჭინავასგან განსხვავებით, მოქალაქეთა კავშირის ყოფილი სახე ზუგდიდში თენგიზ ჯგუშია,ბოლო წლების განმავლობაში აქტიურად პირველად გამოჩდა ადგილობრივ პოლიტიკაში, ჯგუშიას ძველ ცოდვებს უხსენებენ და სწორედ ამიტომაც ის ხშირად შედის დაპირისპირებაში ადგილობრივებთან. ჯგუშია აკრიტიკებს ქართულ ოცნებას თუმცა არაფერს ამბობს ნაციონალურ მოძრაობის მმართველობაზე, სდუმს ბატონი თენგო როგორც სდუმდა ნაციონალური მოძრაობის ზეობის ხანაში….
საბოლოო ჯამში ზუგდიდში გასამართ მერის არჩევნებზე მთავარი ფავორიტი მმართველი პარტიის კანდიდატი გიორგი (გეგა) შენგელიაა რომელიც ამ არჩევნებში სავარაუდოდ პირველივე ტურში გაიმარჯვებს.
