წალენჯიხის მუნიციპალიტეტში დასახლების კრებები გაიმართა
დღეს, 25 თებერვალს, „სოფლის მხარდაჭერის პროგრამით“ დასაფინანსებელი პროექტების შერჩევის მიზნით, დასახლების კრებები გაიმართა ჯვარის, ოჭანეს, ჯვარი-საჭანტურიოს , ნაკას , ჩქვალერი-ლეშამგეს ტერიტორიაზე მცხოვრებ მოსახლეობასთან . კ
რების მონაწილეებმა ხმათა უმრავლესობით დასახლებისთვის პრიორიტეტულ პროექტებს დაუჭირეს მხარი. მათ შორის: გარეგანათებების მოწყობას, გზის ორმულ შეკეთებას, საბავშვო ბაღებში დგამ-ავეჯისა და სათამაშოების შეძენას, შიდა გზების მოხრეშვა-მოშანდაგებას, წყალგაყვანილობის სისტემების რეაბილიტაციას, სანიაღვრე არხისა და ბეტონის საფარის მოწყობას.
მოსახლეობასთან გამართულ კონსულტაციას ესწრებოდნენ წალენჯიხის მუნიციპალიტეტის მერი ბესიკ ფარცვანია ,მერის პირველი მოადგილე გიორგი ლუკავა და მერის წარმომადგენლები ადმინისტრაციულ ერთეულებში .
საქართველოს მთავრობის გადაწყვეტილებით „სოფლის მხარდაჭერის პროგრამის“ დაფინანსება გაორმაგდა და წალენჯიხის მუნიციპალიტეტისთვის საქართველოს რეგიონებში განსახორციელებელი პროექტების ფონდიდან -644 ათასი ლარი გამოიყო.
