“თავისუფლება თენგიზ ქობალიას” – სოლიდარობის აქცია ზუგდიდში [ვიდეო]
25.02.2019 / 25 თებერვალი 2019
![“თავისუფლება თენგიზ ქობალიას” – სოლიდარობის აქცია ზუგდიდში [ვიდეო]](https://api.stv.ge/uploads/null)
ზუგდიდის მერიის მუნიციპალური ქონების სერვისების მართვის სამსახურის ყოფილი ხელმძღვანელის თენგიზ ქობალიას მხარდამჭერებმა დღეს ზუგდიდში ავტომანქანებით მსვლელობა მოაწყეს. 120-მდე ავტომანქანა ზუგდიდის ცენტრში, სამხარეო ადმინისტრაციის შენობასთან შეიკრიბნენ.
აქციის მონაწილეები ყოფილი მაღალჩინოსნისთვის აღკვეთის ღონისძიების შეცვლას მოითხოვენ. მათი მტკიცებით, ქობალიას გირაოს სანაცვლოდ გათავისუფლება გამოძიებას ხელს არ შეუშლის.
„ვითხოვთ, რომ გამოუშვან უდანაშაულო ადამიანი. ვმართავთ მშვიდობიან აქციას და სოლიდარობას ვუცხადებთ თენგოს. არავის არ ვუშლით ხელს, მხოლოდ თენგოსთვის ვიბრძვით. კიდევ უფრო მეტი ვიქნებით. სასამართლოს ვთხოვთ, გირაოთი გამოუშვან თენგო ქობალია და გაითვალისწინონ 8000 ადამიანის აზრი“, – აცხადებენ აქციის მონაწილეები.
