სამეგრელო-ზემო სვანეთის პოლიციის დეპარტამენტის საახალწლო ნობათი სოციალურად დაუცველებს და დაღუპული პოლიციელის ოჯახს
30.12.2018 / 30 დეკემბერი 2018
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დირექტორმა ნიკოლოზ დიასამიძემ და სამინისტროს სხვა თანამშრომლებმა, სამსახურებრივი მოვალეობის შესრულებისას დაღუპული და სოციალურად დაუცველი რამდენიმე ოჯახი მოინახულეს და საახალწლო ნობათი მიუტანეს. ამიშ შესახებ STV-სთვის საკუთარი წყაროებიდან გახდა ცნობილი.
აღსანიშნავია, რომ პოლიციელებმა გარკვეული ოდენობის თანხა, საკუთარი ხელფასიდან თავად გაიღეს. დაღუპული თანამშრომლებისა და სოციალურად დაუცველი ოჯახებისთვის ტკბილეული, საახალწლო საჩუქრები, პატარებისთვის კი სათამაშოები შეიძინეს და მიუტანეს.
პოლიციელების საქველმოქმედო აქცია სიმბოლური იყო. როგორც თავად აღნიშნავენ, მსგავსი აქციების მოწყობას მომავალშიც გეგმავენ.
