ზუგდიდის ცენტრში მეოთხე ბრიგადის ყოფილი უფროსი ზურაბ შამათავა დააკავეს
25.11.2018 / 25 ნოემბერი 2018
ზუგდიდის ცენტრალური ბულვარის ტერიტორიაზე მეოთხე ბრიგადის ყოფილი უფროსი, ზურაბ შამათავა დააკავეს. მისი დაკავება საგამოძიებო უწყებაში შესული შეტყობინების საფუზველზე განხორციელდა, ის ამ წუთებში სამეგრელო-ზემო სვანეთის სამხარეო ადმინისტრაციის შენობაში გამოკითხვაზე იმყოფება.
შინაგან საქმეთა სამინისტროში აცხადებენ, რომ ფაქტზე მოხდა ოპერატიული რეაგირება, დაიწყო გამოძიება საქართველოს სისხლის სამართლის კოდექსის 236-ე მუხლით, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს, აღნიშნული გამოძიების ფარგლებში მოხდა პირის გადამოწმება, თუმცა ფაქტი არ დადასტურდა. მოქალაქე ამ დროისთვის გადაყვანილია პოლიციის განყოფილებაში გამოკითხვის მიზნით.
