ალექსანდრე მოწერელია სენაკის მუნიციპალიტეტის მოსახლეობას შეხვდა
23.11.2018 / 23 ნოემბერი 2018
სამეგრელო-ზემო სვანეთის გუბერნატორი ალექსანდრე მოწერელია,”კარდაკარის” პრინციპით თხილის მავნებლების წინააღმდეგ ბრძოლის კამპანიის ფარგლებში, სენაკის მუნიციპალიტეტის სოფლების – გოლასკურისა და ახალსოფლის მოსახლეობას შეხვდა. გუბერნატორი ადგილობრივ მცხოვრებლებს თხილის მოვლისა და მავნებლებთან ეფექტიანი ბრძოლის მეთოდებზე ესაუბრა.
შეხვედრას ესწრებოდა ,,თხილის მწარმოებელთა ასოციაციის” წარმომადგენელი, რომელმაც ხაზგასმით აღნიშნა, რომ მცენარის ჩახშირებით მოსავლი მნიშვნელოვნად მცირდება, გაუსხლავი კულტურის შეწამვლა კი, ნაკლებეფექტურია. შეხვედრის დასასრულს, მოსახლეობას სურსათის ეროვნული სააგენტოს მიერ მომზადებული ბროშურები გადაეცა, სადაც სხვადასხვა სეზონზე თხილის კულტურის მოვლისა და შესაწამლი პესტიციდების შესახებ დეტალური ინფორმაციაა მოცემული.
