ზუგდიდის მუნიციპალიტეტში “ზუგდიდის ქალთა კლუბი” დაფუძნდა
01.10.2018 / 1 ოქტომბერი 2018
30 სექტემბერს ზუგდიდში ახალი ორგანიზაცია “ქალები რეგიონის განვითარებისთვის” ეგიდით “ზუგდიდის ქალთა კლუბი” დაფუძნდა. კლუბის წევრები წარმატებული ზუგდიდელი ქალბატონები არიან, რომელთა მიზანია რეგიონის განვითარების ხელშეწყობა. როგორც კლუბის წევრები ამბობენ, ისინი იქნებიან აქტიურები ყველა იმ საკითთან მიმართებაში, რომელიც რეგიონის წინსვლას წაადგება.
“დავაარსეთ “ზუგდიდის ქალთა კლუბი”. კლუბში გაერთიანებულია წარმატებული და პატივსაცემი ქალბატონები. უბედნიერესი ვარ და მეამაყება ეს ამბავი. იმედი მაქვს ჩვენ ერთად ბევრ კარგ საქმეს გავაკეთებთ ჩვენი ქალაქისა და ქვეყნისთვის”-აცხადებს კლუბის მენეჯერი, ზუგდიდელი ლიკა როგავა.
