“გზა ერთობისკენ რუხი- 2018” – სპორტული მანქანების გამოფენა ზუგდიდის ცენტრში
სამეგრელო-ზემო სვანეთის გუბერნატორმა ალექსანდრე მოწერელიამ ფესტივალი “გზა ერთობისკენ რუხი- 2018”-ის ფარგლებში, ზუგდიდის ცენტრში სპორტული მანქანების გამოფენა დაათვალიერა. როგორც გუბერნატორმა აღნიშნა მსგავსი სახის აქტივობები, რეგიონში ახალგაზრდების სპორტით დაინტერესებას და ტურისტების მოზიდვა შეუწყობს ხელს.
გამოფენაზე პროფესიონალმა მრბოლელებმა მოქალაქეებს და ზუგდიდს სტუმრებს მანქანების შესახებ დეტალური ინფორმაცია მიაწოდეს . ქალაქის ცენტრდან სიმბოლური მსვლელობა გაიმართა ენგურის ხიდის მიმართულებით. ხვალ, 2 სექტემბერს კი რუხის სავაჭრო ცენტრის ტერიტორიაზე შეჯიბრება წყვილთა რბოლაში “რუხი გრანპრი-2018” ჩატარდება. რბოლაში 12 ლიცენზირებული (პროფესიონალი) ქართველმა ავტომრბოლელი იასპარეზებს.
“მსგავსი სახის აქტივობები, რეგიონში ახალგაზრდების სპორტით დაინტერესებას და ტურისტების მოზიდვა შეუწყობს ხელს”-აცხადებს სამეგრელო-ზემო სვანეთის გუბერნატორი ალექსანდრე მოწერელია.
ღონისძიება ტარდება საპარტნიორო ფონდის, რუხის სავაჭრო ცენტრის და სპორტული კლუბი „MIA FORCE”-ს საქართველოს საავტომობილო სპორტის ფედერაციის ორგანიზებით და სხვადასხვა კომპანიის დაფინანსებით.
