ზუგდიდში, „ქართული ოცნების“ ოფისთან გამგეობიდან გათავისუფლებული პირები დახვდნენ (ვიდეო)
26.08.2018 / 26 აგვისტო 2018
ზუგდიდში „ქართული ოცნების“ ოფისთან პარლამენტის თავმჯდომარე ირაკლი კობახიძეს, თბილისის მერ კახა კალაძეს და შინაგან საქმეთა მინისტრ გიორგი გახარიას გამგეობის ყოფილი თანამშრომლები დახვდნენ.
როგორც ისინი აცხადებდნენ, სამსახურიდან უსამართლოდ გაათავისუფლეს და ამ საკითხზე სურდათ საუბარი. თავის მხრივ, ხელისუფლების წარმომადგენლებმა პირობა მისცეს, რომ მათ მოგვიანებით შეხვდებიან.
მანამდე გამგეობის ყოფილ თანამშრომლებსა და ადგილობრივი ხელისუფლების წარმომადგენლებს შორის მცირე სიტყვიერი შელაპარაკება იყო.
ამ წუთებში „ქართული ოცნების“ ზუგდიდის ოფისში პარტიის ლიდერები ადგილობრივი ხელისუფლების წარმომადგენლებს და აქტივს ხვდებიან. შეხვედრა დახურულ კარს მიღმა მიმდინარეობს.
![„ქართული ოცნების” საპატიო თავმჯდომარის, ბიძინა ივანიშვილის სიტყვით გამოსვლა, „ქართული ოცნების“ საარჩევნო კამპანიის რეგიონულ ღონისძიებაზე ზუგდიდში [სრულად]](https://api.stv.ge/uploads/2024/10/463213664_1110233480467449_1093098972334588337_n-960x571.jpg)