„ამ დღიდან გამარჯვებას ველოდები. ეს ქვეყნისთვის ძალიან სწორი გადაწყვეტილებაა“, – ასე გამოეხმაურა პრეზიდენტობის დამოუკიდებელი კანდიდატი, სალომე ზურაბიშვილი, „ქართული ოცნების” გადაწყვეტილებას, რომლითაც მმართველი გუნდი მას საპრეზიდენტო არჩევნებში მხარდაჭერას უცხადებს.
„გამართლდა მოლოდინი, ძალიან გახარებული ვარ, ასევე ვარ მადლიერი ამ მხარდაჭერისთვის, რომელიც არის ძალიან მნიშვნელოვანი და, მე მგონი, ეს არის ძალიან დადებითი გადაწყვეტილება. დადებითი ცხადია ჩემთვის, მმართველი პარტიისთვისაც. ვფიქრობ, ეს არის სწორი და დემოკრატული გადაწყვეტილება. ამ დღიდან ველოდები გამარჯვებას“,- განაცხადა სალომე ზურაბიშვილმა.
