სენაკში პატივი მიაგეს ჟიული შარტავას ხსოვნას
დღეს, საქართველოს ეროვნული გმირის, პოლიტიკური, სახელმწიფო და საზოგადო მოღვაწის, სენაკის ღირსეული შვილის, ჟიული შარტავას დაბადების დღეა.
სენაკის მუნიციპალიტეტის მერმა, ვახტანგ გადელიამ, მოადგილეებთან, საკრებულოს თავმჯდომარის მოადგილეებთან, ადგილობრივი თვითმმართველობისა და საზოგადოების წარმომადგენლებთან ერთად, გვირგვინით შეამკო საქართველოს ეროვნული გმირის ბიუსტი და მის ხსოვნას პატივი მიაგო.
წმინდა იოანე ნათლისმცემლის სახელობის სენაკის საკათედრო ტაძარში, ჟიული შარტავასა და საქართველოს ტერიტორიული მთლიანობის დასაცავად აფხაზეთში დაღუპულ გმირთა სულების მოსახსენებელი პანაშვიდი აღევლინა.
გმირების მშობლიურ ქალაქში, ქვეყნის თავისუფლებას შეწირული საქართველოს ეროვნული გმირების: ჟიული შარტავას 82-ე, გურამ გაბესკირიას 79-ე და გენო ადამიას 90-ე დაბადების თარიღები კომპლექსური ღინისძიებებით აღინიშნა. კვირეული, 8 მარტს, გენო ადამიას დაბადების დღეს დასრულდება.
