ზუგდიდის მუნიციპალიტეტის რეგიონული არასახიფათო ნარჩენების განთავსების ობიექტის მშენებლობის პროცესს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, სამეგრელო-ზემო სვანეთის მხარეში სახელმწიფო რწმუნებულთან დავით ვერავასთან, ზუგდიდის მერ დავით კოდუასთან და მყარი ნარჩენების მართვის კომპანიის დირექტორ მიხეილ გოგოლიძესთან ერთად გაეცნო.

ზუგდიდის ახალი რეგიონული არასახიფათო ნარჩენების განთავსების ობიექტი 9 მუნიციპალიტეტს მოემსახურება.

ზუგდიდის მუნიციპალიტეტში ნარჩენების განთავსების თანამედროვე ობიექტის ოპერირებაში შესვლის შემდეგ, მოქმედი ძველი ნაგავსაყრელი სტანდარტების შესაბამისად დაიხურება. სამშენებლო სამუშაოებს საერთაშორისო ტენდერში გამარჯვებული კომპანია ATLAS INSAAT ახორციელებს.