ფოთის მერიამ ბავშვთა უფლებების კვირეული სლოგანით - „ღიმილით გავაფერადოთ ქალაქი, გაუღიმე შენს ქალაქს" გამართა
ბავშვთა დაცვის საერთაშორისო დღესთან დაკავშირებით, ფოთის მერიამ ბავშვთა უფლებების კვირეული სლოგანით - „ღიმილით გავაფერადოთ ქალაქი, გაუღიმე შენს ქალაქს" გამართა.
კვირეულის ფარგლებში ქალაქის საგანმანათლებლო დაწესებულებებში - სკოლებსა და საბავშვო ბაღებში, მრავალფეროვანი აქტივობები ჩატარდა.
სკოლებში ღონისძიებები არაფორმალური განათლების მეთოდებით წარიმართა და მოიცავდა სხვადასხვა აქტივობებსა და თემებს.
საბავშვო ბაღებში აქტივობები შემოქმედებითი, სახალისო და მრავალფეროვანი პროგრამით ჩატარდა.
კვირეული ფოთის მერიის ადმინისტრაციული სამსახურის ბავშვთა უფლებების დაცვის განყოფილების ინიციატივითა და ორგანიზებით ჩატარდა.
კვირეულის მიზანს ბავშვთა უფლებების შესახებ ცნობიერების ამაღლება, მათი შემეცნებით და შემოქმედებით აქტივობებში ჩართულობა წარმოადგენდა.
ფოთის მერია მადლობას უხდის ყველა საგანმანათლებლო დაწესებულებას და ყველა ბავშვს აქტიური ჩართულობისა და ინიციატივის მხარდაჭერისთვის.
მსგავსი სიახლეები
წალენჯიხის მუნიციპალიტეტის მერის მოადგილე ბავშვთა უფლებების დაცვისა და მხარდაჭერის სამსახურის ბავშვთა უფლებების დაცვისა და მხარდაჭერის განყოფილების წარმომადგენლებს შეხვდა
ფოთის მერიამ საზღვაო აკადემიის ფოთის ფილიალის 8 სტუდენტს სწავლის საფასური 50%-ით დაუფინანსა
