კახათში ავტოსაგზაო შემთხვევის შედეგად ორი ადამიანი გარდაიცვალა

ზუგდიდის მუნიციპალიტეტის სოფელ კახათში ავტოსაგზაო შემთხვევა მსხვერპლით დასრულდა. ანაკლიის ცენტრალურ გზაზე მომხდარი ავარიის შედეგად შუახნის მამაკაცი და 22 წლის გოგონა დაიღუპა.

წინასწარი ინფორმაციით მძღოლმა საჭე ვერ დაიმორჩილა და გზის პირას მდებარე ღობეს დაეჯახა.

შემთხვევა დღეს დილით მოხდა. მომხდარზე გამოძიება სსკ-ის 276-ე მუხლით მიმდინარეობს, რაც სატრანსპორტო მოძრაობის დარღვევას გულისხმობს, რამაც ადამიანის სიცოცხლის მოსპობა გამოიწვია.

stv უსამძიმრებს გარდაცვლილთა ოჯახის წევრებსა და ახლობლებს.