მარტვილში ჭედიას ქუჩის რეაბილიტაცია გრძელდება

მარტვილის მუნიციპალიტეტში, ქალაქ მარტვილში, გელა ჭედიას ქუჩის საავტომობილო გზის ასფალტ-ბეტონის საფარით რეაბილიტაცია აქტიურად მიმდინარეობს.

მიმდინარე სამუშაოები სამეგრელო-ზემო სვანეთის სახელმწიფო რწმუნებულის მოადგილე ნუკრი ხასიამ, მარტვილის მუნიციპალიტეტის მერმა გიორგი ნაჭყებიამ და საკრებულოს თავმჯდომარე ელდარ თოდუამ დაათვალიერეს.

პროექტის ფარგლებში საავტომობილო გზაზე იგება ასფალტ-ბეტონის საფარი, ასევე ეწყობა სანიაღვრე სისტემა და ეზოებში შესასვლელები. ამ ეტაპზე ასფალტის პირველი ფენა დაგებულია და მიმდინარეობს მოსამზადებელი სამუშაოები მეორე ფენის დასაგებად.

სამუშაოების ღირებულება 605 510 ლარს შეადგენს. გზის სარეაბილიტაციო სამუშაოები საქართველოს რეგიონებში განსახორციელებელი პროექტების ფონდისა და ადგილობრივი მუნიციპალიტეტის თანადაფინანსებით ხორციელდება.