სოფელ შამადელაში სტიქიით დაზიანებული საფეხმევლო ხიდის ნაცვლად საავტომობილო ხიდი მოეწყო
სამეგრელო-ზემო სვანეთის სახელმწიფო რწმუნებული გიორგი გუგუჩია და ზუგდიდის მერი მამუკა წოწერია, მოადგილეებთან ერთად, შამადელაში ხიდების სარეაბილიტაციო სამუშაოებს გაეცნენ.
მდინარე სკაიაზე შამადელა-აბასთუმნის დამაკავშირებელი საავტომობილო ხიდის და ამავე მდინარეზე არსებული ხიდ-ბოგირის მოწყობის სამუშაოები მიმდინარეობს. აქამდე სოფელი შამადელა მოსაზღვრე სოფელ აბასთუმანს საცალფეხო ხიდით უკავშირდებოდა და საავტომობილო მოძრაობა მხოლოდ შემოვლითი გზით იყო შესაძლებელი.
აღნიშნული ინფრასტრუქტურული პროექტები სტიქიის სალიკვიდაციო ფონდიდან ხორციელდება და მისი ღირებულება 313 576 ლარია. სწორედ სტიქიური მოვლენების დროს, წყალმოვარდნის შედეგად დაიზანდა სოფელში მანამდე არსებული ხიდები.
ჯამში, ზუგდიდის მუნიციპალიტეტისთვის სტიქიის ფონდიდან 3 მილიონ 170 ათასი ლარია გამოყოფილი.
მსგავსი სიახლეები
გუბერნატორი: წალენჯიხაში სტიქიით დაზიანებული საცალფეხო ხიდის ნაცვლად საავტომობილო ხიდის მოწყობა მიმდინარეობს
წალენჯიხაში მაზანდარას უბანში სტიქიის შედეგად დაზიანებული ხიდის ადგილას ახლი ხიდი მოეწყო
