კოლხური საგანძურის აღმომჩენი იუბილარია – ზუგდიდის მერი რევაზ პაპუაშვილს ულოცავს
რევაზ პაპუაშვილი, რომელსაც სამეგრელოში არაერთი არქეოლოგიური აღმოჩენა უკავშირდება დღეს იუბილარია. ცნობილ არქეოლოგს 2023 წელს ზუგდიდის საპატიო მოქალაქის წოდება მიენიჭა. პაპუაშვილს ზუგდიდის მერმა დაბადების დღე მიულოცა, შესაბამის პოსტს მამუკა წოწერია ფეისბუქში აქვეყნებს:
„ქვეყნისთვის და განსაკუთრებით ჩვენი ქალაქისთის, გამორჩეული და საამაყო პიროვნება, რევაზ პაპუაშვილი დღეს 73 წლის გახდა.
ვულოცავ დაბადების დღეს, ვუსურვებ ჯანმრთელობასა და კეთილდღეობას.
რევაზ პაპუაშვილი – ისტორიის დოქტორი, საქართველოს ეროვნული მუზეუმის ოთარ ლორთქიფანიძის არქეოლოგიის ცენტრის უფროსი მეცნიერ-თანამშრომელი, არაერთი მონოგრაფიის ავტორი, ბრინჯაოს ხანის კოლხეთის ისტორიისა და კულტურის „ნამდვილი მესაიდუმლე“, ზუგდიდის მუნიციპალიტეტში არქეოლოგიური ექსპედიციებისა და აღმოჩენის ავტორი. მისი პირველი არქეოლოგიური ნათლობა დაკავშირებულია ზუგდიდის მუნიციპალიტეტთან.“ – წერს მამუკა წოწერია
