ირაკლი ჩიქოვანი: პატივი მივაგეთ დაღუპულ გმირებს, ასეთი ადამიანების გმირობასა და თავგანწირვაზე დგას საქართველოს სიძლიერე და სიმტკიცე
ჩვენ პატივი მივაგეთ დაღუპულ გმირებს. ასეთი ადამიანების გმირობასა და თავგანწირვაზე დგას საქართველოს სიძლიერე და სიმტკიცე, – განაცხადა საქართველოს თავდაცვის მინისტრმა ირაკლი ჩიქოვანმა მუხათგვერდის ძმათა სასაფლაოზე, სადაც მან პრემიერ-მინისტრთან, ირაკლი კობახიძესთან და პარლამენტის თავმჯდომარესთან, შალვა პაპუაშვილთან ერთად 2008 წლის აგვისტოს ომის დროს დაღუპულთა ხსოვნას პატივი მიაგო.
„დღეს არის ერთ-ერთი უმძიმესი დღე თანამედროვე საქართველოს ისტორიაში. ჩვენ პატივი მივაგეთ დაღუპულ გმირებს. ასეთი ადამიანების გმირობასა და თავგანწირვაზე დგას საქართველოს სიძლიერე და სიმტკიცე. ჩვენ თავდაცვის სამინისტროში, თავდაცვის ძალებში ვართ ერთი დიდი ოჯახი, ვდგავართ ერთად, ერთმანეთის გვერდიგვერდ, რა თქმა უნდა, ვართ ამ ოჯახების გვერდით და ვაკეთებთ ყველაფერს, რომ მათთვის არსებული საჭიროებები უზრუნველყოფილი იყოს“, – განაცხადა თავდაცვის მინისტრმა.
ომი დაიწყო ათწლეულების წინ. დღეს ჩვენ ვებრძვით ოკუპაციას, რომელ ოკუპაციასთან დაკავშირებით, ყველას უნდა ჰქონდეს ერთი პოზიცია, – ამის შესახებ თავდაცვის მინისტრმა ირაკლი ჩიქოვანმა განაცხადა.
მისი თქმით, სამწუხაროა, რომ ომის და ოკუპაციის თემას „ნაციონალური მოძრაობა“ და მასთან აფილირებული მედია საშუალებები, პოლიტიკური სპეკულაციისთვის იყენებენ.
„ომი დაიწყო ათწლეულების წინ. დღეს, რეალურად, ჩვენ ვებრძვით ოკუპაციას, რომელ ოკუპაციასთანაც ყველას უნდა ჰქონდეს ერთი პოზიცია. მაგრამ სამწუხაროდ, ვხედავთ, რომ პოლიტიკური სპეკულაციის საგანია და საბაბია, როგორც „ნაციონალური მოძრაობისთვის“, ასევე კოლექტიურ „ნაციონალურ მოძრაობას“ დაქვემდებარებული მედია საშუალებების მხრიდან“, – განაცხადა ირაკლი ჩიქოვანმა
მსგავსი სიახლეები
ირაკლი ჩიქოვანი: მნიშვნელოვანია, რომ საქართველოსა და აშშ-ს შორის მოხდეს ურთიერთობების გადატვირთვა, ამისთვის საქართველოს ხელისუფლება მზად არის
ირაკლი ჩიქოვანი: საქართველოს, როგორც მედიატორის როლი ირაკლი ღარიბაშვილის პრემიერ-მინისტრობის დროს გამყარდა
