ილია თოფურია: ჩემთვის მნიშვნელოვანია ორივე ქვეყნის მოქლაქეობა შევინარჩუნო
UFC-ის ქართველ ჩემპიონი, ილია თოფურია საქართველოს მოქალაქეობის შენარჩუნებას მისთვის უმნიშვნელოვანესს უწოდებს. თოფურიამ ეს განცხადება პრემიერ მინისტრთან გამართული შეხვედრის შემდეგ გააკეთა.
„ჩემთვის ძალიან მნიშვნელოვანია ორივე ქვეყნის მოქალაქეობა შევინარჩუნო, საქართველოს მოქალაქეობა და უდიდესი მადლობა ყოველთვის გამოჩენილი ყურადღებისთვის“ – აღნიშნა ილია თოფურიამ პრემიერ-მინისტრთან გამართული შეხვედრის შემდეგ, მან მთავრობის მეთაურს მადლობა გადაუხადა მიღებისთვის და ასევე მადლობა უთხრა გულშემატკივარს გუშინდელი დახვედრისთვის.
თავის მხრივ პრემიერ მინისტრმა აღნიშნა, რომ ილია თოფურიასთვის მოქალაქეობის შენარჩუნება უმნიშვნელოვანესია, მთავრობის მეთაურმა იუსტიციის სამინისტროს და პრეზიდენტსაც მიმართა:
„ძალიან მნიშვნელოვანია, რომ ილია თოიფურიას ჰქონდეს საქართველოს მოქალაქეობა, მას სხვა მიენიჭა ქვეყნის მოქალაქეობა, თუმცა არამგონია, რომ ეს გახდეს დაბრკოლება საქართველოს მოქალაქეობის შენარჩუნებისთვის, მინდა მოვუწოდო იუსტიციის სამინისტროს, ასევე პრეზიდენტს, რომ ყველაფერი გაკეთდეს მოქალაქეობის შესანარჩუნებლად, ეს არის ძალიან მნიშვნელოვანი, თითოეული ჩვენი მოქალაქისა და გულშემატკივრისთვის და ეს მნიშვნელოვანია თავად ილიასთვის“ – აღნიშნა პრემიერმა.
საქართველოს პრემიერ-მინისტრი ირაკლი კობახიძე UFC-ის ჩემპიონს, ილია თოფურიას მთავრობის ადმინისტრაციაში დღეს შეხვდა.
