აფხაზურ ტელეგრამ არხებში მოსახლეობა დანარჩენ საქართველოდან ჩასულ ჯგუფზე პასუხს ე.წ. ხელისუფლებას სთხოვს
აფხაზური ტელეგრამ არხები აქვეყნებენ ინფორმაციას „ქართველი მოგზაურების“ ჯგუფის „აფხაზეთში“ ვიზიტის შესახებ, აღშფოთებული მომხმარებლები ოფიციალური სტრუქტურებისგან პასუხს ითხოვენ კითხვაზე, ვინ მისცა ნებართვა და რა მიზნით ჩამოვიდა ეს ჯგუფი „აფხაზეთში“. ე.წ. ოფიციალური უწყებები დუმან და სიტუაციაზე კომენტარს არ აკეთებენ – წერს ეხოკავკაზა. მათივე ცნობით, მხოლოდ გალის ე.წ. ადმინისტრაციის ხელმძღვანელმა კონსტანტინე ფილიამ განაცხადა, რომ „აფხაზეთში ერთი ადამიანი საქართველოდან ჩამოვიდა, დანარჩენი ყველა ადგილობრივი იყო, გალიდან.“
„აფხაზური ტელეგრამის არხები იუწყებიან, რომ „ქართველი მოგზაურები“ ეწვივნენ აფხაზეთს და აქვეყნებენ ფოტოს, სადაც ნაჩვენებია მოქალაქეების ჯგუფი, რომლებიც გასულ ნოემბერში ეწვივნენ აფხაზეთს. ფოტო გადაღებულია სოხუმის სანაპიროს ცენტრალურ ნაწილში სპილოების პალმების ხეივანზე. მასზე 13 ადამიანია ნაჩვენები, შეიძლება ვივარაუდოთ, რომ ჯგუფის მე-14 წევრმა გადაიღო ფოტო. ფოტოს ბოლოში ქართულად წარწერა ითარგმნება ასე: „ჩვენ დავიბრუნებთ ერთმანეთს“. – წერს ეხოკავკახა.
YouTube-ზე გამოქვეყნდა ვიდეო, საიდანაც ირკვევა, რომ ჯგუფის წევრებმა სამი დღე გაატარეს აფხაზეთში, მოინახულეს სოხუმი, გაგრა, რიწის ტბა და ბზიფის ხეობა. მასში ჯგუფის ერთ-ერთი წევრი აშუქებს აფხაზეთში ვიზიტს.
რატომ გახდა შარშანდელი ვიზიტი ცნობილი ახლა აფხაზი საზოგადოება სოციალურ ქსელებში ამ შეკითხვებს სვამს. სოც. ქსელების მომხმარებლების ნაწილი აღშფოთებულები მოუწოდებენ ე.წ. აფხაზეთის რესპუბლიკის სახელმწიფო უსაფრთხოების სამსახურს, ე.წ. საგარეო საქმეთა სამინისტროს, ე.წ. პრეზიდენტს და ითხოვენ პასუხს კითხვაზე, ვინ მისცა ამ ჯგუფის ნებართვა რომ ჩასულიყვნენ და თავისუფლად ემოძრავათ აფხაზეთში.
