თებერვალში STV.GE ახალი კონცეფციითა და განახლებული ბრენდინგით წარდგება
ახალი ამბების სააგენტო stv.ge, რომელიც მედიაბაზარზე ათ წელზე მეტია ოპერირებს მკითხველის წინაშე განახლებული კონცეფციით წარდგება. ახალი ამბების სააგენტო, რომელიც ძირითადად სამეგრელოსა და ოკუპირებულ აფხაზეთში მიმდინარე ამბებზე აწვდის მოქალაქეებს ინფორმაციას, მულტიმედია პროდუქტის გაზრდას გეგმავს.
მიმდინარეობს საინფორმაციო სააგენტოს ვებ-გვერდის მთლიანი განახლება. ვებ-გვერდი მარტივი და ახალი კონცეფციით ეწყობა. იცვლება ლოგო და მთლიანი ბრენდინგი.
ჩვენი პლატფორმის მთავარი ხაზი მოქალაქეებს მათ სურვილებს, მოსაზრებებს, პრობლემების გადაჭრის გზებს დაეთმობა. მოქალაქეებს თავად შეეძლებათ სპეციალურ პლატფორმაზე პრობლემისა და საჭიროების შესახებ ინფორმაციის განთავსება, ხელისუფლების სხვადასხვა შტოს კი პასუხის გაცემა იქვე შეეძლება. ამ პლატფორმით პრობლემების იდენტიფიცირება, მათი ადვოკატირება და შესაბამისად მოგვარება იქნება შესაძლებელი.
გარდა ამისა გაძლიერდა სოციალურ ქსელებში ჩვენი დომინირება, ჩვენ ახლაც გყავს ჩვენი რეგიონის მასშტაბით სოციალურ მედიაში ყველაზე მეტი გამომწერი, თუმცა მეტი ჩართულობისთვის ვგეგმავთ სხვადასხვა კამპანიებსა და სოც.მედია პროდუქტის გაძლიერებას.
stv.ge აქტიურად გააშუქებს წინასაარჩევნო პროცესს. ჩვენთვის უმთავრესია მკითხველს შევთავაზოთ ამომწურავი და მიუკერძოებელი ინფორმაცია. ჩვენი გუნდის მთავარი პრინციპებია: სიზუსტე, ოპერატიულობა, დაბალანსებული და ობიექტური ინფორმაციის მიწოდება საზოგადოებისთვის.
stv.ge ახალი გუნდით, რებრენდირებული შეფუთვითა და ახალი ვებ გვერდით მკითხველის წინაშე თებერვლიდან წარდგება.
![„სპორტკომპლექს ბაიას“ ახალი მენეჯმენტი ჰყავს – გეგმები, განახლებული გარემო და სიურპრიზები მომხმარებელს [ინტერვიუ]](https://api.stv.ge/uploads/2023/12/სტვ-ბაია-960x540.jpg)