საქსტატი: საქართველოს საერთო სარგებლობის საავტომობილო გზების სიგრძე 1 029 კილომეტრით გაიზარდა
საქართველოს საერთო სარგებლობის საავტომობილო გზების სიგრძე გაიზარდა და 2022 წლისთვის 41 073.3 კილომეტრი შეადგინა, – ამის შესახებ ინფორმაციას სტატისტიკის ეროვნული სამსახური ავრცელებს.
საქსტატის ცნობით, საერთაშორისო მნიშვნელობის გზების სიგრძე 1 593.4 კილომეტრს შეადგენს, შიდასახელმწიფოებრივი მნიშვნელობის – 5 460.3 კილომეტრს, ხოლო ადგილობრივი მნიშვნელობის გზების სიგრძე 34, 019.6 კილომეტრია.
რაც შეეხება რეგიონების მიხედვით საერთო სარგებლობის საავტომობილო გზების სიგრძეს, პირველ ადგილზეა იმერეთი – 7 271.9 კილომეტრით, შემდეგ მოდის სამეგრელო-ზემო სვანეთი – 6 932.5 კილომეტრით. დანარჩენი რეგიონები კი ასე ნაწილდება: აჭარა – 5,053.6 კილომეტრი; კახეთი – 4,558.6 კილომეტრი; გურია – 3,884.9 კილომეტრი; ქვემო ქართლი – 3,510.7 კილომეტრი; სამცხე-ჯავახეთი – 2,830.2 კილომეტრი; მცხეთა-მთიანეთი – 2,163.2 კილომეტრი; რაჭა-ლეჩხუმი და ქვემო სვანეთი – 2,119.9 კილომეტრი; შიდა ქართლი – 2,090.2 კილომეტრი; აფხაზეთი – 605.6 კილომეტრი; თბილისი – 52 კილომეტრი.
მსგავსი სიახლეები
საქართველოს საავტომობილო გზების დეპარტამენტი: უკვე გაიწმინდა გზის შესასვლელები და სტიქიის ზონასთან კომუნიკაციის აღსადგენად, მიმდინარეობს დროებითი გზების მოწყობა. სამუშაოები მიმდინარეობს უშუალოდ მდინარის კალაპოტშიც
საქსტატი: თებერვალში საქართველოს ეკონომიკა 9.5 პროცენტით გაიზარდა
