ხობში ავტოსაგზაო შემთხვევის შედეგად ორი პირი დაშავდა
16.08.2023 / 16 აგვისტო 2023
ხობის მუნიციპალიტეტის სოფელ ქვალონში მომხდარი ავტოსაგზაო შემთხვევის შედეგად ორი პირი დაშავდა.
ადგილობრივების ცნობით,მაღალი სიჩქარით მოძრავი „ტიოტა პრიუსი“ ტრაილერს დაეჯახა.
შემთხვევის შედეგად, მსუბუქ ავტომობილში მყოფი ორი ქალი მრავლობითი მოტეხილობებით სასასრაფო-სამედიცინო დახმარების ბრიგადამ კლინიკაში გადაიყვანა.
მედიკოსების თქმით, მათ სიცოცხლეს საფრთხე არ ემუქრება.
თვითმხილველების ინფორმაციით,მანქანაში 7 წლის მოზარდიც იმყოფებოდა, თუმცა მას დაზიანებები არ მიუღია.
შემთხვევის შედეგად მოძრაობა პარალიზებულია.
ადგილზე მობილიზებულია საპატრულო პოლიცია.
