მერაბ გამყრელიძე: ყველა შენობა-ნაგებობა, რაც დგას შოვში, არის საბჭოთა კავშირის დროინდელი, მერიას რაიმე სახის ახალი ნებართვა ახალ მშენებლობასთან დაკავშირებით არ გაუცია
კურორტ შოვის განვითარება მოხდა საბჭოთა კავშირის პერიოდში, შესაბამისად, აღნიშნული კოტეჯებიც აშენებულია საბჭოთა კავშირის პერიოდში. მერიის მიერ შესაბამისი ნებართვები გაიცა რეკონსტრუქციასთან და განახლებასთან დაკავშირებით, – ამის შესახებ საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსის მოადგილემ მერაბ გამყრელიძემ „ქრონიკასთან“ განაცხადა.
მისი თქმით, მერიას რაიმე სახის ახალი ნებართვა ახალ მშენებლობასთან დაკავშირებით არ გაუცია, მიუხედავად იმისა, რომ აღნიშნული ზონა იყო სრულიად სამშენებლო ზონად გათვალისწინებული. გამყრელიძის განმარტებით, ყველა შენობა-ნაგებობა, რაც დგას შოვში არის საბჭოთა კავშირის დროინდელი, რომელთა რეკონსტრუქციაც ხდებოდა პერიოდულად
„კურორტის ტერიტორიაზე უმძიმესი მდგომარეობაა, რასაც ამძიმებს ის ჩამოსული მასა. უმნიშვნელოვანესი იყო პრემიერის გადაწყვეტილება ჯარის ჩართვასთან დაკავშირებით, ვინაიდან ბევრი ლოკაცია იქნა ერთდროულად გახსნილი, ბევრ ლოკაციაზე მიმდინარეობს ძებნის სამუშაოები. დღეს დამატებით ერთი ლოკაცია გაიხსნება საღამოსთვის. ახლა მიმდინარეობს გზის გაყვანა და ფაქტობრივად დასრულების პროცესშია. მიზანი არის ის, რომ მაქსიმალურად სწრაფად მოხდეს მოძიება დაკარგული ადამიანების და ტერიტორია გაიწმინდოს ნატანი მასებისგან“, – აღნიშნა გამყრელიძემ.
მსგავსი სიახლეები
ირაკლი კობახიძე: დღეს ყველა მინისტრის საქმიანობით კმაყოფილი ვარ – ჯანდაცვის ახალ მინისტრთან დაკავშირებით ჯერ არავითარი გადაწყვეტილება არ არის მიღებული, ეს უნდა გადაწყდეს ფართო კონსულტაციების საფუძველზე
მერაბ ქვარაია: ავრცელებენ ინფორმაციას თითქოს ჩემი ძმა არის დაჭერილი, რაც არის ცალსახად ტყუილი
