ფოთში საერთაშორისო ლოჯისტიკური კომპანია „Lion Trans“ – ის ტერმინალი ოფიციალურად გაიხსნა
ფოთში საერთაშორისო ლოჯისტიკური კომპანია „Lion Trans“ – ის ტერმინალი ოფიციალურად გაიხსნა.
ტერმინალი 2022 წლიდან ფუნქციონირებს და მის ტერიტორიაზე ხდება არა მხოლოდ საქართველოს, არამედ სომხეთის, აზერბაიჯანის და აზიის ქვეყნებისთვის განკუთვნილი ტვირთების იმპორტი, ხოლო ექსპორტი ხორციელდება მსოფლიოს ყველა მიმართულებით.
გახსნის ცერემონიალს სამეგრწლო-ზემო სვანეთის სახელმწიფო რწმუნებულის პირველი მოადგილე ნინო ვიბლიანი, მოადგილე დავით კუხალეიშვილი და ქალაქ ფოთის მერი ბექა ვაჭარაძე მოწვეულ სტუმრებთან ერთად დაესწრნენ.
ტერმინალზე ტვირთის მიღება, გადმოტვირთვა, გადამუშავება, უსაფრთხოების დაცვა და გაცემა საერთაშორისო სტანდარტების სრული დაცვით ხდება.
Lion Trans-ი ახორციელებს როგორც სახმელეთო, ისე საზღვაო და საჰაერო გადაზიდვებს ამერიკიდან მსოფლიოს ყველა მიმართულებით.
მსოფლიოს მასშტაბით Lion Trans-ის ოფისები, სასაწყობე მეურნეობები და ტერმინალები წარმოდგენილია 12 ქვეყანაში, ასევე საქართველოს 11 ქალაქში.
