მელია მიიჩნევს რომ შიდა პარტიული არჩევნები ყველა რაიონულ ორგანიზაციაში უნდა გაიმართოს
თავმჯდომარის არჩევნების შემდეგ, ნიკა მელიას აზრით, „ნაციონალურ მოძრაობაში“ თბილისის და რაიონული ორგანიზაციების ხელმძღვანელთა არჩევნების უნდა გაიმართოს. ამის შესახებ მელიამ ტელეკომპანია ,,პირველის“ ეთერში განაცხადა.
„იყო მუდმივი ღირებულებითი ბრძოლა [პარტიაში]. მე ვცდილობდი და მომავალშიც ვეცდები, რომ ჩემი და ჩემი თანამოაზრეების იდეა იყოს გამარჯვებული, რაც ამ პარტიას, საბოლოო ჯამში, მოუტანს გამარჯვებას. ჩემთვის, როგორც პოლიტიკოსისთვის, საზოგადოებრივი აზრი მნიშვნელოვანია. ამომრჩეველმა ამ ეტაპზე გადაწყვიტა ასე [ხაბეიშვილის არჩევა], რაც მე მივიღე, მივულოცე, მაგრამ ეს არ ნიშნავს, რომ მე კონსტრუქციულად, ცივილიზებულ ჩარჩოებში არ მოვაქციო პროცესი. ხვალ და ზეგ, როდესაც მიხეილ სააკაშვილს გადავიყვანთ საზღვარგარეთ, მე ვფიქრობ, ყველა დიდ ქალაქში, ყველა საკვანძო პარტიული ორგანიზაციის თავმჯდომარის პოსტზე უნდა წარიმართოს არჩევნები. ბათუმში ბათუმის პარტიის თავმჯდომარე უნდა ავირჩიოთ, თბილისში — თბილისის და ა.შ.“ ,— განაცხადა მელიამ.
ნიკა მელიას თქმით, მნიშვნელოვანი იქნება საპარლამენტო სიის შედგენა, რა პროცესშიც პარტიამ ბოლო 2 არჩევნებზე დაშვებული შეცდომები არ უნდა გაიმეოროს და სიის დაკომპლექტება ამომრჩევლებს უნდა მიანდოს.
მსგავსი სიახლეები
მეუფე სტეფანე – 17 მაისს ოჯახის სიწმინდისთვის უნდა გამოვიდეთ მთელი საქართველო, დიდი და პატარა – ვისაც კი შეუძლია, ყველა თბილისში უნდა ვიყოთ, რომ ეს ბოროტების მანქანა დავძლიოთ
კახა კალაძე: მადლობელი ვარ ღმერთის, რომ გადამირჩინა შვილები. სტიქიამდე დატოვეს სასტუმრო, მაგრამ იქ რომ ყოფილიყვნენ, უნდა დაეტოვებინათ სამაშველო ღონისძიების დროს, არ უნდა ჩაესვათ ვერტმფრენში და არ გადმოეყვანათ?
