ენგურის ხიდთან “პატრიოტათა ალიანსის” ლიდერებიც მივიდნენ
07.09.2020 / 7 სექტემბერი 2020
- ენგურის ხიდზე საქართველოს სხვადასხვა კუთხიდან ჩამოსული მოქალაქეები ისევ არიან შეკრებილები. ისინი „პატრიოტთა ალიანსის“ წარმომადგენლების მიერ ილორის ეკლესიისთვის ნაჩუქარი ხატის დაბრუნებას ელოდებიან. ამ წუთებში ადგილზე მოვიდა პარტიის ლიდერი ირმა ინაშვილიც.
ჯერჯერობით გაურკვეველია გადმოასვენებენ თუ არა ენგურის ხიდის გავლით ღვთისმშობლის ხატს, თუმცა ადგილზე ამბობენ, რომ ისინი უბრალოდ აფხაზ ხალხთან დასალაპარაკებლად არიან მოსული.
ცნობისთვის, აფხაზებმა ენგურის ხიდამდე ღვთისმშობლის ხატი რამდენიმე დღის წინ მოაბრძანეს. მანამდე ხატის დაბრუნების შესახებ განცხადება “აფხაზეთის მართლმადიდებელმა ეკლესიამაც” გაავრცელა და აღნიშნა, რომ მსგავსი აქციები მიუღებელია მანამ, სანამ ქართული ეკლესია აფხაზურის დამოუკიდებლობას არ აღიარებს.
ქართველმა პოლიტიკოსებმა – პარლამენტის ვიცე-სპიკერმა ირმა ინაშვილმა და მისმა თანაპარტიელმა, “პატრიოტთა ალიანსის” წევრმა გიორგი ლომიამ ოკუპირებულ აფხაზეთში, ილორის მონასტერში ღვთისმშობლის ხატი ჩააბრძანეს.
