ზუგდიდის ცენტრალურ პარკში წარწერა “მე მიყვარს ზუგდიდი” დააზიანეს
18.06.2020 / 18 ივნისი 2020
- ზუგდიდის ცენტრალურ პარკში წარწერა “მე მიყვარს ზუგდიდი” ჯერჯერობით დაუდგენელმა პირებმა დააზიანეს. აღნიშნული ფაქტის ამსახველ ფოტოებს სოციალურ ქსელში ზუგდიდის მერიის ზედამხედველობის სამსახურის უფროსი დიმიტრი ფაცაცია ქვეყნებს.
ცნობისთვის, ზუგდიდის ცენტრალურ პარკში მანათობელი წარწერა – „მე მიყვარს ზუგდიდი“ 2018 წელს დაიდგა. მისი სიმაღლე 150 სანტიმეტრი, სიგანე კი 12 მეტრამდეა. სამუშაოები კომპანია „მარგი დიზაინმა“ შეასრულა, რომელმაც ადგილობრივი მერიის მიერ გამოცხადებულ ტენდერში გაიმარჯვა.
აღნიშნული წარწერის დადგმაში ზუგდიდის მუნიციპალიტეტის მერიამ დაახლოებით 7 ათასი ლარი დახარჯა.
