რუხის საუნივერსიტეტო კლინიკა ამ ეტაპზე 72 პაციენტს მიიღებს
არსებული რესურსით მოვახდინეთ სტაფის მობილიზება და ამ ეტაპზე 35 ექიმია მობილიზებული – ამის შესახებ ჯანდაცვის მინისტრმა ეკატერინე ტიკარაძემ რუხის საავადმყოფოს გახსნაზე განაცხადა. მინისტრის განმარტებით, საოკუპაციო ზოლზე მდებარე მრავალპროფილურ კლინიკას ამ ეტაპზე აქვს რესურსი მიიღოს 72 პაციენტი, აქედან 14 გართულებული პაციენტი.
“ამ ეტაპზე კლინიკას აქვს რესურსი მიიღოს 72 პაციენტი, აქიდან 14 რთული ან გართულებული მდგომარეობით. ჩვენ კიდევ გავაძლიერებთ რუხის საავადმყოფოს იმ შესაძლებლობებს, რომელიც მას გააჩნია და ეტაპობრივად მოხდება ამ რიცხვების გაორმაგება. შემდეგ ჩვენ ავალთ რუხის საავადმყოფოს სრულ მოცულობაზე, რომელიც არის 220 საწოლზე გაშლილი მულტიპროფილური საავადმყოფო და იგი სრულად ჩაერთვება კოვიდინფექციის მართვაში”- განაცხადა ჯანდაცვის მინისტრმა.
ამ ეტაპზე სამეგრელო-ზემო სვანეთის რეგიონში არსებულ 7 ცხელების ცენტრს, მერვე რუხის მრავაპროფილური საავადმყოფოც დაემატა.
