ზუგდიდის ინფექციურ საავადმყოფოში მყოფი ქალბატონის პირველადი ანალიზი Covid 19-ზე უარყოფოთია
14.04.2020 / 14 აპრილი 2020
ზუგდიდის ინფექციურ საავადმყოფოში მყოფი ქალბატონი, რომელსაც COVID 19 30 მარტს დაუდასტურდა, გამოჯანმრთელდა. ამის შესახებ ინფორმაციას ზუგდიდის ინფექციური საავადმყოფოს პრესსამსახური ავრცელებს.
“ინფექციურ საავადმყოფოში აფხაზეთიდან შემოყვანილ პაციენტს, 50 წლამდე ქალბატონს ლუგარის ლაბორატორიაში პირველი განმეორებითი ტესტი ჩაუტარდა. ტესტის პირველი პასუხი უარყოფითია. გადამოწმების მიზნით, პაციენტს მეორე განმეორებითი ტესტი ხვალ ჩაუტარდება. უარყოფითი პასუხის შემთხვევაში, პაციენტი ზეგ ინფექციური საავადმყოფოდან გაეწერება”, – აცხადებენ ინფექციური საავადმყოფოს პრესსამსახურში.
შეგახსენებთ, რომ ქალბატონი ზუგდიდის ინფექციურ საავადმყოფოში 30 მარტიდან მკურნალობს.
