მეუფე გრიგოლი: მღდელმთავრები შევიკრიბოთ და ერთიანი პოზიცია შევიმუშაოთ, როგორ მოვიქცეთ
ფოთის საკათედრო ტაძარში, ფოთისა და ხობის მიტროპოლიტმა, მეუფე გრიგოლმა საკვირაო წირვა აღასრულა. ჩვენ უნდა ავიღოთ ამ შემთხვევაში პასუხისმგებლობა ჩვენს მრევლზე , იმაზე თუ ეკლესიაში რა მოხდება ისე, რომ ნერონის პერიოდის მსგავსად არ აღმოჩნდეს ეკლესია გამოყენებული.- ასე გამოეხმაურა მეუფე გრიგოლი ქვეყანაში ეპიდემიის გავრცელებასთან დაკავშირებულ ვნებათაღელვას.
,,არ ვიცი საპატრიარქო , რომ აკეთებს განცხადებას ვინ დგას კონკრეტული ადამიანები ამის ირგვლივ , ვერ გეტყვით ამას. საპატრიარქოს განცხადება როცა კეთდება, იმის მიუხედავად ვინ აკეთებს ამ განცახადებას, ვინ ამზადებს ტექსტს, რა თქმა უნდა მთელი პასუხისმგებლობა კათოლიკოს პატრიარქზეა,“- განაცხადა მეუფე გრიგოლმა.
მეუფე გრიგოლის თქმით, მღვდელმთავრები უნდა შეიკრიბოს და ერთიანი პოზიცია შემუშავდეს.
,,მე ვფიქრობ , რომ ნებისმიერი გადაწყვეტილება შეიძლება ფორს მაჟორში მიიღოს ადამიანმა , ინსტიტუციამ, ხელისუფლების წარმომადგენლებმა , მაგრამ ნებისმიერ შემთხვევაში აი, როცა ფორს მაჟორი ფილმებში გვინახავს ქვეყანა ინგრევა და კაცისშვილი არ არის იმის უნარის მქონე , რომ შეიკრიბოს თუნდაც ის საბჭო და იმსჯელოს, ესეთი მოვლენა აქ არ არის . არის იმის საშუალება , რომ მღდელმთავრები შევიკრიბოთ და ერთიანი პოზიცია შევიმუშაოთ, როგორ მოვიქცეთ. ჩვენ უნდა ავიღოთ ამ შემთხვევაში პასუხისმგებლობა ჩვენს მრევლზე , იმაზე თუ ეკლესიაში რა მოხდება ისე, რომ ნერონის პერიოდის მსგავსად არ აღმოჩნდეს ეკლესია გამოყენებული , რომ აი, ეკლესიაა დამნაშავე , რომ ვირიუსი აქტიურად ვრცელდება , ამას სჭირდება არა ერთჯერადი ჭიქებით დაპირისპირება, არამედ ერთობლივი მჯელობით და გადაწყვეტილებით,“- აღნიშნა მეუფე გრიგოლმა.
მეუფე გრიგოლმა აღნიშნა , რომ ისინი ადგილობრივად მიიღებენ გადაწყვეტილებას.
,,ჩვენ ჩამოვყალიბდებით იმდაგვარად რაც ჩვენი მრევლისთვის სასარგებლო იქნება , რაც არ დააზიანებს მათ სარწმუნოებას და არანაირად დაამახინჯებს ეკლესიას .ჩვენ მივიღებთ გადაწყვეტილებას ადგილობრივად , ვიდრე ჩვენ მღვდელმთავრები შევიკრიბებით და ვიდრე დასკვნებს ჩამოვაყალიბებთ რასთან გვაქვს საქმე და როგორ იმოქმედებს ეკლესია. ეკლესიის წინაშე განსაცდელი მრავალჯერ ყოფილა და ნაუცფათევად , ემოციური გადაწყვეტილებისგან თავის შეკავება საჭირო იყო, მაგრამ გონივრული რეაქცია ყოველთვის საჭიროა მიმდინარე მოვლენებზე,“- აღნიშნა მეუფე გრიგოლმა.
