სამეგრელოში, ნარკოდანაშაულისთვის უცხო ქვეყნის მოქალაქე დააკავეს
01.03.2020 / 1 მარტი 2020
სამეგრელო-ზემო სვანეთის პოლიციის დეპარტამენტის თანამშრომლებმა უკრაინის მოქალაქე, 1981 წელს დაბადებული ვ.შ. თბილისში ნარკოდანაშაულისთვის დააკავეს. ინფორმაციას შს სამინისტრო ავრცელებს. ამავე ცნობით, დანაშაული 8-დან 20 წლამდე ან უვადო პატიმრობას ითვალისწინებს.
„სამართალდამცველებმა დაკავებულისგან ორ შეკვრად დაფასოებული, „მეტადონის“ შემცველი, განსაკუთრებით დიდი ოდენობით ნარკოტიკული საშუალება ამოიღეს“, – ამბობენ უწყებაში.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე საქართველოს სსკ-ის 260-ე მუხლის მე-6 ნაწილის „ა“ ქვეპუნქტით მიმდინარეობს.
